法國示威工會稱80萬人上街近千人被捕　巴黎催淚彈水炮齊發｜有片

法國巴黎示威尾段演變成衝突，警方出動水炮車，並以盾牌和警棍推進人群。法國總工會話，星期六全國有近八十萬人示威；政府公布嘅數字就係四十一萬人。

記者盧克・奧弗雷發布嘅片段，先見到大批示威者沿市內大道前行，之後水炮射向人群；另一段片見到防暴警察推進，有示威者被按倒喺地上。法國內政部長努涅斯話，當日全國近千人被捕。工會表示，示威係抗議生活成本上升，並捍衛公共服務。