趕返工被阻！港鐵阿伯扶手梯「左右企定」拒讓路:是規矩法例

港鐵大圍站一段扶手電梯上，兩名男乘客並排企，另一名乘客要求借過，雙方有爭執。影片由 Threads 用戶 chunghugo9404 喺本月二十三號發布，片中有人話，左右兩邊都要企定，係港鐵規例。

港鐵嘅安全宣傳，係呼籲乘客喺扶手電梯兩邊企穩、緊握扶手；呢項指引唔等於乘客一定要讓路畀人行。港鐵附例就訂明，乘客唔按港鐵指示嘅方式同秩序使用自動梯，最高可罰款五千元及監禁六個月。港鐵今年上半年錄得二百三十三宗扶手電梯事故，港鐵指出，行走扶手電梯、碰撞他人或者攜帶大型物件，佔當中超過六成個案。